وائل غنيم في التاكسي

كنت راكب مع سواق تاكسي وقعد يحكيلي إزاي إن الثورة مؤامرة والدول الخارجية زي أمريكا جندت ناس عشان تعملها وأغوتهم بالفلوس .. قلتله: هو حضرتك واخد بالك مين اللي راكب معاك؟ .. قال لا والله .. قلتله: وائل غنيم .. الراجل تقريبا ذهل كأن نتنياهو معاه في العربية :) .. سألني هو انت بتركب تكاسي؟ أمال فين العربيات اللي مدينهالكم؟ وبعدين مش أوباما بيجهزك للرئاسة في مصر؟ ونزل علي بسيل أسئلة تقريبا كلها مستقاة من الأفكار اللي بيتروج ليها في القنوات الصفراء .. بعد حوار طويل وهادئ اعتذر لي ووعدني إنه هيدافع عني لو ذكر اسمي بسوء قدامه مرة تانية في أي مكان .. نخرج من القصة دي بايه؟ مش عارف بس حبيت أحكيها وخلاص :)


القائل وائل غنيم من حسابه علي الفيس بوك